Хүний Хүүг гэрчилсний дараа, Төгс Хүчит Бурхан зөвт байдлын Нар болж Өөрийгөө бидэнд ил тодоор илчилсэн. Энэ бол уулан дээрх хувирал юм! Одоо энэ нь улам бүр бодитой, улам бодит байдал болж байна. Бид Ариун Сүнсний ажлын арга барилыг харсан, Бурхан Өөрөө махан биеэс гарч ирсэн. Тэрээр хүн, орон зай, газар зүйн алины ч хяналтан дор байдаггүй; Тэр газар, тэнгисийн хилийг давж, ертөнцийн хязгаарт хүрдэг бөгөөд бүх улс үндэстэн, бүх ард түмэн Түүний дуу хоолойг амьсгаа даран чагнаж байна. Бид сүнслэг нүдээ нээхдээ, Бурханы үг алдар суутай биеэс нь урган гарсныг хардаг; энэ бол махбодоос гарч ирж буй Бурхан Өөрөө юм. Тэрээр бодит агаад бүрэн төгс Бурхан Өөрөө билээ. Тэд бидэнтэй ил тод ярьдаг, Тэр бидэнтэй нүүр нүүрээ харан уулзаж, бидэнд зөвлөж, биднийг өрөвдөж, биднийг хүлээж, биднийг тайтгаруулж, биднийг сахилгажуулж, бас шүүдэг. Тэр биднийг хөтлөн чиглүүлж, биднийг гэсэн анхаарал нь Түүний дотор гал мэт дүрэлзэж, тэмүүлсэн зүрх сэтгэлээр Тэр биднийг сэрээж, Өөр лүүгээ оруулах гэж яардаг. Түүний ер бусын амь бид бүгдэд өгөгдсөн ба Түүн рүү орсон бүх хүн дэлхий ертөнц болон ёрын муу бүхнийг даван гарч, ялан дийлж, Түүнтэй хамт захирна. Төгс Хүчит Бурхан бол Бурханы сүнслэг бие билээ. Хэрвээ Тэр зарлигдвал ёсоор болно; хэрвээ Тэр яривал үйл хэрэг болно; хэрвээ Тэр тушаавал биелнэ; Тэр бол нэгэн жинхэнэ Бурхан! Сатан Түүний хөл дор, ёроолгүй нүхэнд байдаг. Энэ ертөнц дэх бүх зүйл Түүний гарт бий; цаг нь ирлээ, бүх зүйл үгүй болж, шинээр төрөх болно.
No comments:
Post a Comment